🌞📕 DIVERCONCO 3. O RECUNCHO DAS LETRAS. O COELLIÑO CARAMELIÑO
Hoxe no #diverconco, un #conto. No verán tamén é tempo de ler, de contar historias e de escoitalas.
A ver se vos gusta 😉
#Dumbría #DumbríaéCultura #diverconco #RecunchodasLetras #conto
DIVERCONCO 2. XOGO DE MEMORIA
🌞👧👦 Hoxe no #diverconco, un sinxelo xogo de memoria.
Seguramente todos e todas xogastes algunha vez ás parellas de cartas.
Propoñémosvos facer as vosas propias tarxetas, debuxando nelas o que vos pareza. Tamén podedes imprimir pequenos debuxos e colorealos.
Necesitas:
Unha actividade divertida e adaptada a tódalas idades.
Aos maiores tamén vos virá ben entrenar a memoria.
A ver se vos gusta 😉
#Dumbría #DumbríaéCultura #diverconco #memoria #manualidades
🌞👧👦 DIVERCONCO 0. PRESENTACIÓN DO DIVERCONCO
Chegou o verán e con el nace unha nova sección nas redes sociais do Concello de Dumbría:
Este ano non vai ser posible desenvolver as actividades estivais que faciamos no Conco, polo que o equipo de Cultura do concello vai levar O Conco á vosas casas.
Ao longo das próximas semanas achegarémosvos vídeos con actividades facilmente adaptables a todas as idades e para compartir en familia.
🎲🎳 xogos de mesa
👩🔬🧪 experimentos
🎨 manualidades
👨🍳 cociña
📕 contacontos
🤹♀️ xogos populares
Agardamos que vos gusten. Feliz verán!
#Dumbría #DumbríaéCultura #diverconco #veránseguro #covid19
🌞👩🔬🧪 DIVERCONCO 1. MÁQUINA DE FACER ESPUMA.
Estreamos a sección do #diverconco amosándovos como fabricar a vosa propia máquina de espuma.
Necesitas:
Unha actividade divertida e adaptada a tódalas idades.
A máis dun maior seguro que tamén vos serve de entretemento.
A ver se vos gusta 😉
#Dumbría #DumbríaéCultura #diverconco #experimento #máquinadeespuma
🎤🎷🎹🎸🎶 Deixámosvos aquí unha recompilación das colaboracións musicais que puidemos desfrutar durante as semanas do confinamento causado pola COVID-19.
Non cansaremos de agradecer a todas as nosas veciñas e veciños que, desinteresadamente, nos fixeron estes días un pouco máis levadeiros.
Moitísimas grazas, artistas! 🎼
Situada no límite entre as parroquias de Buxantes e Dumbría, esta histórica encrucillada de camiños sitúase no Camiño de Santiago a Fisterra.
Antigamente era o límite xurisdicional entre os territorios do Mosteiro de San Martiño Pinario e os dos condes de Altamira, no chamado Couto Redondo. É tamén o punto no que se cruzan o Camiño de Santiago a Fisterra e o que empregan os veciños de Buxantes para ir de romaría á Nosa Señora da Barca de Muxía.
Nesta área destacamos especialmente o cruceiro do Marco do Couto. Este elemento patrimonial está formado por un cruceiro con escaleira, pedestal e varal cilíndrico. Na súa cara principal pódese observar a Xesucristo Crucificado e no reverso atópase a figura da Piedade.
É un costume habitual que os peregrinos que van de Camiño a Fisterra depositen na base do cruceiro flores e pedras e, en ocasións, outros enxovais a modo de ofrenda. Unha práctica, cando menos, cuestionable.
Moi preto do cruceiro hai unha pedra gravada cunha “C” e una “R” que pode facer referencia ao Camiño Real.
Toda encrucillada de camiños en Galicia está envolta nese halo de misterio, de sitio máxico onde a morte, o máis alá e a unión entre o mundo dos vivos e o dos mortos están sempre moi presentes.
Recomendámosvos visitalo tamén nun día deses de néboa, tan habituais nestas terras, no que quizáis teñades oportunidade de ver o Vákner. Quen sabe? A atmosfera é a propicia.
#ExploraDumbría #DumbríaéTurismo #MarcodoCouto #TerritorioVákner #Dumbría #Buxantes #CamiñodeSantiago #Camiño #DumbríaéCamiño
Tan só fan falta uns dados, tapóns de botella, papel, pinturas e poñerlle ganas e ilusión para fabricar o teu propio xogo de mesa na casa. Con estes poderedes traballar o cálculo mental, as operacións básicas,... as mates!
Iago, monitor do concello de Dumbria, deixouvos algún exemplo nas nosas redes.
Son xogos para tódalas idades, para peques e maiores, só tedes que adaptalos.
Aquí vos quedan. Animádevos a xogar e aprender, todo a unha!
Aí vai outro:
Paula, normalizadora lingüística do concello de Dumbría, tamén estivo presente nas nosas redes durante estes meses tan especiais e "raros" que nos tocou vivir.
Tróuxonos preciosas historias e tamén algún consello ben interesante.
Botádelle un ollo!
Ao longo destes último meses tan diferentes, Natalia, a nosa teacher, quixo estar preto dos nenos e nenas de Dumbría, compartindo con eles algunhas das cancións que os sábados cantabamos no Dumbría Speaks do Conco.
Vocabulario de accións básicas: clap your hands, turn around, jump up high, sit down, stand up, goodbye, see you again....
Para aprender o nome dalgunhas partes do corpo: chin, arm, leg, foot,...
Repasamos o nome de diferentes partes dos corpo?
Para repasar o nome dos membros da Finger Family: daddy, mommy, brother, sister and baby finger.
Para traballar os opostos: open/shut, big/small, please/no thank you, fast/slow, loud/quiet,...
Sobre as emocións: happy, sad, hungry...
A Ponte Olveira é un pobo que, xunto co lugar de Olveiroa, pertence á parroquia de Santiago de Olveiroa.
O Camiño de Santiago a Fisterra e Muxía arranca no Concello de Dumbría a través da ponte da Ponte Olveira; unha ponte romana situada sobre o Río Xallas.
Neste enclave tivo lugar unha encarnizada loita o 12 de abril de 1809 cunha tráxica derrota dos dumbrieses.
A chegada do exército francés a Galicia, perseguindo ao inglés, capitaneado por Moore, deu lugar o 16 de xaneiro de 1809 á encarnizada batalla de Elviña, na Coruña.
Parte deste exército dirixiuse a Santiago e, dende alí, á comarca de Fisterra. Os veciños, coñecedores do seu paso polo río Xallas no lugar da Ponte Olveira, organizáronse para facerlle fronte a través da creación dunha Xunta de Defensa con domicilio en Corcubión. Nela participou, entre outros, o cura do Ézaro, Juan Domingo Pizpieiro.
A feroz batalla na Ponte Olveira traduciuse nunha brutal derrota e perda de vidas humanas por parte da veciñanza. Moitos dos cadáveres foron recollidos varios quilómetros río abaixo. O exército francés, formado por uns 2.000 soldados eufóricos pola vitoria, continou o camiño cara Cee e Corcubión deixando tras de si máis mortes e destrución. Queimaron os arquivos parroquiais de Olveira e Olveiroa. Esnaquizaron a capela, o cruceiro e parte do lugar de Hospital. Aniquilaron aos habitantes e o caserío do lugar de Casas de Maias, queimaron a capela e mataron aos habitantes do lugar de Fonte Santa, en Buxantes.
Pouco máis adiante da ponte, continuando en territorio dumbriés, hai unha finca onde tiña lugar unha primitiva feira de gando, xa desaparecida en 1955.
#DumbríaéTurismo #ExploraDumbría #PonteOlveira #Olveiroa #Dumbría
