Casas do Maior
No Concello de Dumbría existen dous recursos de atención diúrna para persoas maiores a través das Casas do Maior, situadas en:
- Ponte Olveira.
- Edificio da Bitácora (O Ézaro).
As Casas do Maior son espazos de atención e acompañamento dirixidos a persoas maiores de 60 anos, que ofrecen un servizo de proximidade e atención personalizada en grupos reducidos, favorecendo a permanencia das persoas maiores no seu entorno habitual e o apoio ás familias.
Trátase dun recurso de carácter preventivo e comunitario, orientado a promover:
- O benestar físico e emocional.
- A socialización.
- A calidade de vida das persoas maiores.
Este servizo forma parte do programa Casas do Maior impulsado pola Xunta de Galicia, e desenvólvese no Concello de Dumbría a través de profesionais promotoras do servizo implantadas no territorio.