Programa de envellecemento saudable
Dende o Programa de envellecemento saudable desenvólvense actuacións dirixidas a promover o benestar físico, emocional e social das persoas maiores do Concello, favorecendo a súa autonomía persoal, a participación social e un envellecemento activo e saudable.
O programa inclúe actividades de carácter preventivo, formativo, físico e social, orientadas a:
- Fomentar hábitos de vida saudables.
- Manter a capacidade funcional.
- Reforzar as relacións sociais e comunitarias.
Estas actuacións contribúen á mellora da calidade de vida das persoas maiores e á promoción dun envellecemento activo, autónomo e participativo.