Programa de apoio formativo e inclusión social
Dende o Programa de apoio formativo e inclusión social desenvólvense actuacións de acompañamento e apoio formativo dirixidas a persoas adultas e familias que presentan dificultades de acceso á formación básica, co obxectivo de favorecer a inclusión social e a mellora das oportunidades persoais, educativas e laborais.
O programa inclúe as seguintes liñas de traballo:
- Apoio formativo orientado á preparación para a obtención do título de Educación Secundaria Obrigatoria (ESO).
- Actuacións formativas que contribúen ao desenvolvemento de competencias persoais e sociais.
- Acompañamento educativo para mellorar as oportunidades laborais.
Estas actuacións diríxense especialmente a persoas e familias en situación de especial vulnerabilidade social, promovendo a participación formativa, a autonomía persoal e a igualdade de oportunidades.