Programa de conciliación e corresponsabilidade
Dende o Programa de conciliación e corresponsabilidade desenvólvense actuacións dirixidas a facilitar a conciliación da vida persoal, familiar e laboral das familias do Concello, promovendo a corresponsabilidade nos coidados e a igualdade de oportunidades.
O programa inclúe actuacións de carácter educativo, lúdico e social dirixidas á infancia, que se desenvolven tanto en períodos non lectivos como ao longo do ano, co obxectivo de ofrecer:
- Alternativas de coidado e tempo libre educativo adaptadas ás necesidades das familias.
- Contidos orientados á educación en valores e igualdade de xénero.
- Fomento da convivencia e o desenvolvemento persoal e social dos nenos e nenas.
O programa contribúe a xerar tempos de conciliación para as familias, favorecendo a participación social, formativa e laboral das persoas coidadoras e promovendo un reparto equilibrado das responsabilidades familiares.