O Concello de Dumbría informa que esta Semana Santa non haberá espectáculo de iluminación nocturna da Fervenza do Ézaro debido ao inicio das obras de construcción da pasarela de accesibilidade á Fervenza do Ézaro.
O Concello de Dumbría realizou melloras nos alumeados públicos dos lugares de As Gatiñeiras, Hospital e O Logoso.
Estas melloras foron financiadas mediante aportación municipal e unha axuda do Instituto Enerxético de Galicia (INEGA) a través da convocatoria de subvencións para a creación, mellora e ampliación de pequenas infraestruturas, mediante proxectos de aforro e eficiencia enxerxética na Administración Local, por un importe de 12.858,99 €.
O próximo 15 de xuño a partir das 16:30 h, ven participar da I Cross de Obstáculos Concello de Dumbría.
Se tes máis da 16 anos, apúntate a esta divertida modalidade deportiva. A distancias a cubrir son de 2,5 km e 7,5 km
Dumbría é Deporte!!!
Querémosvos dar as GRAZAS a todos e todas, por facer maxia unha vez máis en Dumbría.
Grazas polo éxito acadado nas xornadas celebradas esta fin de semana sobre o Territorio Vákner.
Unhas xornadas nas que contamos cunha grande participación e interese polo novo proxecto que acaba de nacer.
Nestas xornadas contamos con interesantes relatorios da man de estudosos de grande prestixio, coordinados polo historiador Antón Pombo. Gozamos dunha música de luxo a cargo de Luar Na Lubre, autores da música do audiovisual producido por Galopublicidad. E asistimos á presentación da estatua do Vákner, obra que vai realizar o recoñecido escultor Cándido Pazos.
Un elenco incrible que nos mergullou a todos no misterio do Vákner.
Como peche das xornadas tamén presentamos o audiovisual, que resume de forma cinematográfica a historia deste peregrino, chegado das afastadas terras de Armenia, e o seu terrorífico encontro con este lobishome.
Foron dous grandes días de festa que remataron cunha visita polos lugares máis emblemáticos do concello e a súa conexión cos feitos relatados.
GRAZAS POR TODO!
O VÁKNER XA ESTÁ DE VOLTA, E VÉN PARA QUEDAR. COIDA OS TEUS PASOS POLO SEU TERRITORIO.
O domingo 8 de Xullo, Dumbría acolle a proba ciclista máis importante de Galicia,
!!O GRAN FONDO ÉZARO!!.
Incluido dentro das 21 probas a nivel mundial da Unión de Ciclismo Internacional, o Gran Fondo Ézaro o ten todo: paisaxe impresionante, participación e un remate durísimo e espetacular coa subida o mítico Mirador do Ézaro, o gran MURO ATLANTICO.
Todo isto enmarcado dos mellores amigo, premios e un remate final con xuntanza.
E para beneficio de todos te informamos dos cortes de tráfico por estradas e horas que se levarán a cabo para realizar a proba:
A organización do Gran Fondo Ézaro e o Concello de Dumbría agradece a comprensión dos condutores e pide desculpas por anticipado polos inconvintes que esta situación poida xerar nos seus desprazamentos. En todo caso, comprométese a que os cortes sexan os mínimos imprescindibles para a realización dunha proba que, por outra banda, conllevará numerosos efectos beneficiosos para toda a comarca a nivel de promoción e difusión dos seus atractivos.
O vindeiro 2 de xullo, terá lugar unha nova edición do gran Fondo Ézaro.
Un ano máis o concello de Dumbría e toda a Costa da Morte, goza desta proba que percorre as paisaxes máis fermosas e emblemáticas da nosa comarca.
Todo isto enmarcado dos mellores amigo, premios e un remate final con xuntanza.
E para beneficio de todos te informamos dos cortes de tráfico por estradas e horas que se levarán a cabo para realizar a proba:
A celebración do Gran Fondo Ézaro o próximo 2 de xullo levará aparellado o corte puntual dalgunhas estradas e accesos na contorna de Dubría e a súa comarca, así como a posibilidade de que se produzan retencións, polo que se recomenda aos condutores, na medida do posible, non facer uso destes viais. En concreto, cortarase o acceso á Fervenza do Ézaro a vehículos desde as 10,00 horas do sábado 1 e ata as 18,00 horas do domingo. Os autobuses non poderán acceder desde as 10,00 horas do venres, día 30. Así mesmo, cortarase a subida ao Alto de Paxareiras desde Carnota (entre as estradas AC-550 e C-400), desde as 13,00 ata as 15,00 horas do día 2. Poderase circular con precaución en sentido inverso, aínda que se esperan retencións. Tamén permanecerá cortada entre as 10,00 e as 10,40 horas do domingo a estrada que une a DP-2303 e a AC-400, na zona de Os Muiños; e o vial que leva a Dumbría polo Cemiterio de Cores (AC-442 a DP-3404), desde as 10,30 ás 11,30 horas. Finalmente, tamén permanecerá cortado o vial que leva ao Alto de Paxareiras por Abelleira (entre as 12,10 e as 14,30 horas), aínda que en sentido descendente. En sentido ascendente poderá circularse con precaución. A organización do Gran Fondo Ézaro e o Concello de Dumbría agradece a comprensión dos condutores e pide desculpas por anticipado polos inconvintes que esta situación poida xerar nos seus desprazamentos. En todo caso, comprométese a que os cortes sexan os mínimos imprescindibles para a realización dunha proba que, por outra banda, conllevará numerosos efectos beneficiosos para toda a comarca a nivel de promoción e difusión dos seus atractivos. > POSIBLES RETENCIÓNS Ademais dos viais que permanecerán cortados, advírtese aos condutores da posibilidade de que se produzan retencións noutros puntos. Por iso, e aínda que non se cortarán ao tráfico, recoméndase evitar circular, na contorna da carreira, pola AC-550 en dirección a Cee (entre as 9,00 e as 9,30 horas); pola AC-552, a AC-442 e a DP-3404, en ambas direccións (entre as 10,30 e as 11,40 horas); e pola DP-2303, en sentido Cee (entre as 11,00 e as 11,40 horas). Tamén pode haber retencións na AC-550 dirección Muros, desde Cee ata Abelleira, na vía de acceso desde Carnota ao Alto de Paxareiras pola AC-400 e na AC-550 en dirección a Ézaro, desde o cruzamento de O Viso ata pasar polo enlace de Ézaro.
E xa estamos de novo ás portas do Nadal!
Abrimos prazo de inscrición para a festa infantil de Nadal, que se celebrará o xoves 27 de decembro. Será nas instalacións do Conco.
Haberá servizo de autobús para recoller aos nenos/as polas parroquias.
A festa comezará sobre as 11:00 h e prevese que remate ás 17:00 h.
Teremos xogos deportivos e obradoiros de manualidades. Contaremos tamén cunha divertidísima discoteca infaltil, da man de Garabato de Xogos.
Para poder asistir é necesario cumprimentar unha autorización e entregala nas oficinas municipais ou nas casas culturais antes do 20 de decembro.
Obradoiros infantiles de manualidades.
Vanse levar a cabo nas Casas Culturais ao longo do Nadal.
Mércores 26 de Decembro
16:oo h > O Ézaro
16:00 h > O Conco - Dumbría
Venres 28 de Decembro
16:oo h > O Ézaro
16:00 h > O Conco - Dumbría
Mércores 2 de Xaneiro
16:oo h > Buxantes
16:00 h > Bustelo-Salgueiros
Autorización e horarios de Autobús.
+ Info en:
No Concello de Dumbría
981 744 001
O verán está chamando á porta así que imos recibilo como toca, e coma tódolos anos temos algo especial para os nosos cativos.
Para ir abrindo boca, o martes 26 de xuño, entre as 11:00 e as 17:00 horas, celebraremos unha festa infantil de fin de curso no areal do Ézaro.
Nela poden participar todos os nenos e nenas do concello, a partir dos 4 anos.
Para iso débese entregar unha autorización firmada pola nai, o pai, ou os titores, nas casas culturais ou nas oficinas municipais antes do 21 de xuño.
> Martes 26 xuño 2018 na praia do Ézaro.
> Das 11:00 ás 17:00 h.
> Actividades deportivas
> Xogos na praia
> Xogos populares,...
> Xantar para os peques.
> Haberá servizo de transporte.
+ ADEMAIS
Apartir das 11:00 h no paseo marítimo do Ézaro ven desfrutar das actuacións enmarcadas no programa Cultura no Camiño 2018. (Entrada libre)
Saaabor!, Para todos os públicos. Espectáculo cómico que mestura música, maxia, humor, ritmo e participación do público, co mundo da gastronomía de fondo.
A Historia de Brancaflor, Lenda popular de Brancaflor-filla do Demo. Unha historia de amor entre Brancaflor e Xan, á que se opón o malvado pai da rapaza.
Xoves 22 de xuño, na praia do Ézaro, de 11:00 a 17:00 h
Inscrición: entregar autorización, antes do 19 de xuño, nas Casas Culturais ou oficinas municipais
Nenas e nenos do concello, a partir dos 4 anos
Haberá xogos, obradoiros e actividades na praia
E tamén a actuación: Duelirium. Voadores Circus Air. (Rede Cultural da Deputación)
Haberá servizo de transporte
