Baixo a luz da lúa poñéndose no Atlántico e aos pés do Monte Pindo reloce a ardentía, o MAR DE ARDORA, no Ézaro - Dumbría.

Imaxes de Basilio Bello - agosto 2024 

https://youtu.be/Vd6lJD2UEZI

O Mar de Ardora é un fenómeno natural producido polas algas. Un fenómeno máis propenso a producirse no verán. Para que se dea son varios os factores que inflúen: a estabilidade do mar, a estabilidade meteorolóxica, os ventos e as correntes. De feito, non sempre ten lugar nas mesmas praias.

No caso de querer ir velo é importante cando se visiten as praias de noite que non se lles engada unha maior presión medioambiental a un ecosistema virxe, que é tan fráxil.

Que se debe facer? Estacionar nos lugares habilitados, deixar ás aves tranquilas (pois é o seu momento de descanso) e non deixar lixo na praia.

Que NON debes facer? Subirse ás zonas dunares xa que é un lugar de anidamento das aves, nin tampouco levar cans ás praias que non o permitan en horario diúrno.

#DumbríaéTurismo #MardeArdora #Natureza

🏖 37ª FESTA DA PRAIA DO ÉZARO

📆 3 e 4 de agosto 2024

Dous días cheos de actividades para nenos e maiores.

Un sinfín de xogos, obradoiros, carreiras de obstáculos (OCR) e música para todos con Tanto Nos Ten (música tradicional), Cantando con Pinocho (público familiar) e Paty Lesta & The Hits versionando os grandes éxitos dos mellores artistas nacionais e internacionais de todos os tempos.

E o domingo Gran Sardiñada popular!!! e a actuación pola tarde da orquestra Galilea.

#DumbríaéCultura #DumbríaéDeporte #Dumbría #Ézaro #festapraiaézaro2024 #RedeCultural2024

📸 𝐂𝐨𝐧𝐜𝐮𝐫𝐬𝐨 𝐝𝐞 𝐅𝐨𝐭𝐨𝐠𝐫𝐚𝐟𝐢́𝐚 #DUMBRÍAÉ

O Concello de Dumbría lanza o concurso de fotografía #DUMBRÍAÉ para promover o noso impresionante patrimonio cultural e natural. Queremos que amoses o mellor de Dumbría a través da túa cámara!

𝐓𝐞𝐦𝐚́𝐭𝐢𝐜𝐚:

Fotografía o que fai de Dumbría un lugar único: o seu patrimonio, natureza, festividades, eventos, tradicións, deporte, cultura, o Camiño de Santiago, ríos, montes, gastronomía local e hostalería. As imaxes poden ser antigas ou actuais, de día ou de noite.

𝐏𝐚𝐫𝐭𝐢𝐜𝐢𝐩𝐚𝐜𝐢𝐨́𝐧:

Para participar, segue o noso Facebook ou Instagram e envía ata 5 fotos con título e descrición. As imaxes deben ter boa calidade (mínimo 300x200mm a 300ppp) e estar en formato JPEG, PNG ou TIFF, en cor ou branco e negro. A participación é libre e gratuíta, para maiores de 14 anos.

𝐏𝐫𝐞𝐦𝐢𝐨𝐬:

Temos 12 bonos de 100 € para gastar en establecementos hostaleiros e comerciais do concello. Cada participante pode gañar ata 3 premios. As fotografías gañadoras serán seleccionadas por votación popular e un xurado especializado.

𝐏𝐫𝐚𝐳𝐨:

Envía as túas fotos antes do 30 de setembro de 2024.

ℹ Bases concurso⬇️

𝐏𝐀𝐑𝐓𝐈𝐂𝐈𝐏𝐀⬇️

https://pr.easypromosapp.com/p/979391

Esperamos as túas mellores fotografías!

🎉 𝗔 𝗙𝗲𝘀𝘁𝗮 𝗱𝗮 𝗙𝗮𝗺𝗶𝗹𝗶𝗮 𝘃𝗼𝗹𝘃𝗲 𝗼 𝟐𝟏 𝗱𝗲 𝘅𝘂𝗹𝗹𝗼 á Devesa da Lúa, na Carballeira de Berdeogas, na que será a súa vixésimo segunda edición.

Haberá unha pulpeira na que se poderán mercar diversas racións: polbo á feira, churrasco, criollos,...

‼️No concello non se dispensarán tíckets, SÓ SE RESERVARÁ A MESA. Poderase reservar mesa nas oficinas municipais, antes do día 17 de xullo.

Actuacións musicais das orquestras Gran Parada e Principal, da charanga O Rumbo e do grupo de gaitas da Asociación Cultural Longarela.

Horarios de verán nas instalacións municipais e programación cultural e deportiva do mes de xullo no Concello de Dumbría. Mes de xullo.

#Dumbría#DumbríaéCultura#DumbríaéDeporte#DumbríaéTurismo

A mañá do sábado 8 de xuño, celebrouse no Ézaro a presentación da audioguía ficcionada de Dumbría enmarcada dentro do proxecto Contos do Mar.

En dita presentación participaron o alcalde do Concello de Dumbría, Raúl González, a deputada de Igualdade, Lingua e Dereitos Civís Soledad Agra, a técnica de Turismo do Concello de Dumbría Ada González, a actriz do Grupo Chévere Patricia de Lorenzo, a Concelleira de Turismo e Cultura do Concello de Dumbría María Lema e as participantes dos Contos do Mar do Ézaro: María Genoveva, Alejandro, María Luísa, Joaquín, Manuela, María del Carmen, Celina, Ovidio, Mari Ángeles, Manola, Nieblas, Efigenia e Lupe (en representación de seu pai Julio).

Aproveitouse a presentación para que Isaura, a protagonista da audioguía interpretada por Patricia de Lorenzo, coñecese en persoa ás súas amigas de Dumbría.

Así mesmo, en agradecemento pola súa colaboración e participación no proxecto fíxoselle entrega dunha escultura da Pedra do Brazal e dun diploma a cada unha das protagonistas.

https://www.youtube.com/watch?v=XfuNO5YXKq8&t=9s

Foi a ocasión para que as protagonistas puidesen descubrir a audioguía ficcionada na que se agochan as historias do Ézaro: cando se ía á arte, cando non había ponte e había que cruzar o río nunha barca, cando ían cos cestos de peixe á cabeza para ir vendelos a centos de quilómetros, cando ían cas toradas na cabeza, cando traballaron no túnel de Salto Castrelo, cando se ía a angula, … Moitas historias, moitas delas vividas polas propias protagonistas e outras para lembrar ás que xa non están. Porque cando non se fala dun suceso, este esquécese e pérdese nas vindeiras xeracións… É por isto a importancia de contar con estas mulleres bravas, que algunha xa roza os cen anos.

Un proxecto que quedara aparcado pola pandemia e que volveu recuperarse para poñelo en valor. A idea é que funcione como un desestacionalizador; é dicir, como oferta cultural e turística en tempada baixa tanto para a poboación visitante coma para a local. Un recurso máis para ampliar o abano de opcións a quen desexe coñecer a súa terra, as súas orixes e o patrimonio inmaterial do Ézaro, porque a identidade dun lugar comeza pola súa xente.

📹 VÍDEOS CONTOS DO MAR

#DumbríaéTurismo #PatrimonioInmaterial #ContosdoMar #Dumbría #OÉzaro #AudioguíaFiccionada

Aberto o prazo de solicitude para participar nas actividades estivais, que terán como base as instalacións do Conco.

💻PREINSCRICIÓNS ata o 21 de xuño, cubrindo o formulario: https://forms.gle/zGkA5GPmKP5i9Ytu6

PRAZAS LIMITADAS!

Non se admitirán solicitudes presentadas fóra de prazo.

𝐒𝐞 𝐩𝐫𝐞𝐜𝐢𝐬𝐚𝐬 𝐚𝐱𝐮𝐝𝐚 𝐩𝐚𝐫𝐚 𝐜𝐮𝐛𝐫𝐢𝐫 𝐨 𝐜𝐮𝐞𝐬𝐭𝐢𝐨𝐧𝐚𝐫𝐢𝐨, 𝐚𝐜𝐡𝐞́𝐠𝐚𝐭𝐞 𝐚́ 𝐭𝐮́𝐚 𝐜𝐚𝐬𝐚 𝐜𝐮𝐥𝐭𝐮𝐫𝐚𝐥 𝐩𝐨𝐥𝐚𝐬 𝐭𝐚𝐫𝐝𝐞𝐬.

+ info Concello: 📞 981 744 001

Actividade financiada a través do Programa Corresponsables 2024 da Consellaría de Promoción do Emprego e Igualdade da Xunta de Galicia.

#Dumbría #DumbríaéCultura #DumbríaéDeporte

Ao longo das vindeiras semanas teremos varias citas coas Letras e en diversos formatos.

As Letras achegaranse ao CEIP Plurilingüe Santa Eulalia de Dumbría en varias datas:

• 3 de maio, contacontos con Duende Sico, que unirá as Letras e o Deporte, o proxecto educativo no que vén traballando todo o centro educativo ao longo deste curso.
• 9 de maio, Kalopsia: un planeta non tan diferente, unha sesión de contacontos e actividades, con intérprete de lingua de signos, da man de Europe Direct A Coruña. Con Kalopsia, a rapazada descubrirá Europa desde o espazo exterior.
• 14 de maio, o alumnado fará unha visita guiada á biblioteca do Conco e participará na actividade E a ti...que che contaban?, con Vero Rilo, programada a través do Ler Conta Moito, da Rede de Bibliotecas Públicas de Galicia.

O sábado 4, ás 19 horas, teremos o prato forte desta programación: o poeta Ismael Ramos, Premio Nacional de Poesía Xoven Miguel Hernández, outorgado polo Ministerio de Cultura e Deportes, entre outros moitos recoñecementos, visita a Fervenza do Ézaro.

Da súa man, faremos un percorrido por parte da súa obra e tamén pola tradición oral e escrita galega.

Todo iso acompañado dunha actuación con música tradicional e nunha paraxe máxica como é a desembocadura do río Xallas, ao pé da súa senlleira fervenza.

Do 16 ao 19 de maio, viaxaremos ata terras de León e Zamora, con visitas guiadas a diferentes cidades, pobos e enclaves naturais.

E, para rematar esta celebración das Letras, o 4 de xuño, o alumnado do colexio de Dumbría participará nunha andaina convertida en roteiro literario, na que terán a oportunidade de coñecer un pouco mellor a figura do Vákner e achegarse á Dumbría que está agochada nas letras de quen a ten habitado ou visitado, autores e autoras que nola amosarán a través da súa particular mirada. Unha maneira activa de coñecer un chisco máis o Territorio Vákner.

𝗔𝗕𝗥𝗜𝗟 𝗗𝗘 𝗟𝗜𝗕𝗥𝗢𝗦 · 𝗕𝗜𝗕𝗟𝗜𝗢𝗧𝗘𝗖𝗔𝗦 𝗗𝗘 𝗗𝗨𝗠𝗕𝗥𝗜́𝗔

Contacontos, música, títeres, ciencia, robótica, manualidades... Un bo feixe de actividades culturais para gozar das Casas de Cultura do Concello de Dumbría e celebrar xuntos o Día Mundial do Libro e dos Dereitos de Autor.

A través do programa Ler Conta Moito, da Rede de Bibliotecas Públicas de Galicia, chegan novas actividades ás bibliotecas.

Nas nosas bibliotecas tes, tamén, ao teu dispor milleiros de libros. Entra visitarnos e bótalle un ollo!

PROGRAMACIÓN ABRIL DE LIBROS nas CASAS DE CULTURA do Concello de Dumbría⤵

 

🎶📕MARTES 16 · 18h · BERDEOGAS· CANTAR E CONTAR - GRANDES ÉXITOS 2004-2024 · Caxoto

🖋👩‍🎨VENRES 19 · 18h · BUXANTES· DEBUXAR LETRAS · Alba Farto (+ 7 anos)

🎨 MARTES 23· 18h · DUMBRÍA· COAS MANS NA MASA · OQO Editora

🧪VENRES 26 · 18h · O ÉZARO· DE CIENCIAS OU DE LETRAS? EXPERIMENTOS NA BIBLIOTECA · Antía Yáñez

🤖MARTES 30· 18h · OLVEIRA· ROBÓTICA NA BIBLIOTECA · Átomos

#DumbríaéCultura #LerContaMoito